Претставничкиот дом на САД разгледува привремен буџет
Републиканците се надеваат на негово усвојување уште денеска, пред да му биде испратен на Трамп за потпис. Сепак, ефектите од блокадата, како откажаните летови и економски загуби, не се очекува веднаш да исчезнат...
Во САД сите очи се вперени во Претставничкиот дом, кој го разгледува предлог-законот за привремениот буџет за повторно отворање на федералната влада. Републиканците се надеваат на негово усвојување уште денеска, пред да му биде испратен на Трамп за потпис. Сепак, ефектите од блокадата, како откажаните летови и економски загуби, не се очекува веднаш да исчезнат.
„Долго откако ќе заврши блокадата, ќе бидеме заглавени, ни недостасуваат околу 2.000 контролори, тоа е проблем. Работиме да ја надоместиме разликата“, изјави Шон Дафи, министер за транспорт на САД.
Денеска се очекува процентот на редуцирани летови да достигне 8, а веќе в петок и до 10 насто. Патниците фрустрирани.
„Добив СМС-порака дека нашиот лет за враќање дома ќе биде одложен за еден ден. Дефинитивно не бевме подготвени за тоа“, изјави Мартин Нгуен, патник.
„Отворањето на владата е вистинската одлука, многу луѓе зависат од тоа. Не гледам дека бројот на летови ќе се зголеми од нула на 100 преку ноќ. Малку е загрижувачки“, изјави Мајк Рикс, патник.