Прилепскиот Tутунски комбинат во вторник го почнува откупот на тутунот
Прилепскиот тутунски комбинат меѓу првите во вторник го почнува откупот на тутунот. Ќе преземе 2.300 тони квалитетен род. Цените се зголемени за пет проценти, а од комбинатот велат дека ги надминале оперативните загуби...
Во вторник, на 18-ти ноември прилепскиот Tутунски комбинат ги отвора вратите за откуп на тутунот на 34 пункта во земјава. Ќе преземе 2.300 тони тутун и ќе исплаќа два пати неделно. Цените по класи се зголемени за пет проценти.
Се очекува да се купи реколта со висок квалитет.
Со стратешкиот партнер „Филип Морис“, комбинатот 11 години соработува и го очекува договорот на нова 10-годишна соработка.
Законски, откупот почнува на 15-ти ноември и трае до крајот на февруари. Реколтата треба да ја купат 10 откупни компании.
Елизабета Митреска