ЦУК: Водостоите стабилни, теренските екипи интервенираат на повеќе локации
Водостоите на водотеците се во рамки на нормалата, со благо покачување, информираат од Центарот за управување со кризи.
Состојбата во државата по обилните врнежи од дожд е стабилна, согласно последните информации од РЦУК 7/24. Водостоите на водотеците се во рамки на нормалата, со благо покачување, информираат од Центарот за управување со кризи.
Регистрирани се следните појави и преземени активности:
Одрон на патниот правец Битола – Прилеп, кај с. Лознани. Известени: МВР ПС Битола и ЈП за одржување на регионални и магистрални патишта – подружница Битола.
Одрон од голем камен на патниот правец Ресен – Охрид, кај Буково. Известени: МВР ПС Ресен и ЈП за одржување на регионални и магистрални патишта.
Поплавен објект (фарма) во с. Породин, Општина Битола. Известен: Началникот на штабот за заштита и спасување при Општина Битола.
Поплавена визба на ул. 24 бр. 10 во Битола.
Одрон на патниот правец с. Близанско – Македонски Брод, во должина од околу 15 метри. Известено: ЈП за одржување на регионални и магистрални патишта. Надлежните служби се координирани и активно постапуваат на терен.