Акција „Дамаск“: Во Босна уапсени 15 поддржувачи на радикалниот исламизам

Во голема полициска акција во Босна приведени се 15 лица осомничени за поврзаност со радикални терористички организации. Во акцијата „Дамаск“ учествуваат близу 200 припадници на босанските специјални и полициски единици кои што вршат претрес на 17 локации ширум државата. 

Упасените се сомничат за поврзаност со финансирање, организирање и врбување државјани на Босна и Херцеговина за учество во војните во Ирак и Сирија, борејќи се на странта на радикалните терористи. 

Во акцијата уапсен е и Халил Билал Босниќ, неформален водач на вахабистите во Босанска краина, познат по своите анти- американски и анти- западни говори.