АВРМ ќе се модернизира со 1,2 милиони евра европски пари

Со 1,2 милиони евра европски пари ќе се модернизира Агенцијата за вработување. Целта е подобрување и развивање на нови активни политики за вработување.

Со досегашните мерки за вработување беа опфатени околу 72.000 лица, а се обезбеди вработување за околу 40.000 лица  преку најразлични програми, рече министерот за труд и социјална политика Диме Спасов.

Овој проект, како што посочи министерот Спасов, е продолжение на континуираниот процес на активностите насочени кон подобрување на квалитетот ефикасоноста и ефективноста на услугите на АВРМ.

Додаде дека ваквите проекти се во склад со активностите и мерките на Владата за намалување на стапката на невработеност и подобрување на животот на граѓаните.

Мартин Клауке од Делегацијата на Европската унија во Македонија истакна дека целта на проектот е да придонесе за зголемување на вработеноста и унапредување на животниот стандард на луѓето.