Промовиран ресурсен центар за поддршка на развојот на општините
Можат ли општините да излезат од неефикасноста и проблемите при реализацијата на проектите. За да се случи тоа, потребна им е поддршка, која е предвидено да ја добиваат преку новоформираниот ресурсниот центар за локалните самоуправи.
Планирање на локалниот стратешки развој, подготовка на техничка документација и проектни апликации за искористување средства од меѓународни фондови и јакнење на меѓуопштинската соработка – ова се очекува да биде овозможено од новоотворениот ресурсен центар што ќе им дава одржлива и стручна поддршка на општините.
Градоначалниците очекуваат надминување на слабостите во локалните самоуправи. Велат, не е доволна само финансиска поддршка, туку и човечки ресурси за реализација на средстава.
Ресурсниот центар е системско решение, оценува професорот Треновски.
За регионалните проблеми како што е екологијата на пример досега топката се префрлаше од една во друга општина, но со ресурсниот центар се очекува поголема меѓуопштинска соработка.
Александра Велинова