Бебе почина во кичевската болница, било донесено во тешка здравствена состојба

Во кичевската болница почина бебе, родено во 2024 година. Тоа било донесено во тешка здравствена состојба, но не успеало да преживее и покрај напорите на медицинскиот тим да го реанимираат.

Според информациите од СВР Кичево, случајот бил пријавен вчера, во 22:10 часот. Бебето било донесено на детското одделение во тешка здравствена состојба. Медицинските лица веднаш ја пружиле потребната помош и извршиле реанимација, но не успеале да го спасат детето.

По наредба на јавен обвинител, телото на починатото бебе е дадено на обдукција.