Македонија место погоре на 83-то

Иако го прескокна ноемврискиот термин на ФИФА за пријателски натпревари, македонската фудбалска репрезентација сепак ќе напредува за една позиција на новата ранг листа на светската куќа на фудбалот. Во декември, Македонија ќе биде на 83-то место како резултат на поместувањата на другите репрезентации. Од 80-та до 85-тата позиција, веднаш пред нашата селекција се Јамајка, Белорусија и Демократска Република Конго, а зад нас Конго и Оман.

Во горниот дел на ФИФА рангингот нема промени се до 19-то место што овојпат е резервирано за Босна и Херцеговина којашто напредуваше две позиции. На врвот, во првата „десетка“ и натаму се Шпанија, Германија, Аргентина, Колумбија, Португалија, Уругвај, Италија, Швајцарија, Холандија и Бразил.

ФИФА ранг листа:

1. Шпанија                  1507

2. Германија               1318

3. Аргентина              1251

4. Колумбија               1200

5. Португалија           1172

6. Уругвај                    1132

7. Италија                   1120

8. Швајцарија             1113

9. Холандија              1106

10. Бразил                  1102

----------------------------------

80. Јамајка                  439

81. Белорусија           431

82 ДР Конго               427

83. Македонија         425

84. Конго                   421

85. Оман                    408