ДПИ со засилени контроли по угостителските објекти во пресрет на празниците

Државниот пазарен инспекторат најави засилени инспекциски надзори во угостителските објекти во пресрет на претстојните празници и зголемениот број прослави. Целта е да се спречат нерегуларности во работењето и да се обезбеди заштита на гостите.

Од Инспекторатот апелираат угостителите совесно да ги почитуваат законските обврски, особено во делот на максимално дозволениот број гости, работното време, забраната за пушење и другите прописи.

ДПИ најавува дека ќе реагира на секое непочитување на законите и ќе презема соодветни мерки и санкции. Граѓаните се повикани секоја неправилност да ја пријават на бројот 191 или преку www.dpi.gov.mk.