Градови домаќини на EURO 2014....втор дел - Алборг

Алборг е 4-ти град по големина во Данска со 200 000 жители, град во кој ракометот има значајно место со константното учество на нивните тимови по клупска Европа.

Популарноста на овој спорт во Алборг ја носат ракометарките на истоимениот тим со полуфиналниот настап во престижната лига 2006-тата, и следната во 1/4 финалето.

Шампионатот во Данска ќе биде 11-ти собир на најдобрите 16 континентални селекции. Градот Алборг ќе нагости 4 од нив.

Светските прваци Шпанците и 4-ти од последното Европско оттука ќе го фатат патот за продолжување на планетарниот континуитет.

Норвешка, репрезентација која го бележи 6-тото учество на вакви собири со најзабележителен резултат 2006-тата кога завршуваат на 6-тото место.

Тука е и Исланд чии тим од како настапува на европските врзува 6-то учество, со единствениот медал бронзениот освоен 2010-тата, а на последното првенство пред две години во Србија мораа да се задоволат со 10-тото.

Унгарија која е по континенталните собири од почетокот со апстиненција од две, го бележи 9-тиот настап со само партиципација без пиедесталско искачување до сега.   

Борбата за пласман, Шпанија, Норвешка, Исланд и Унгарија ќе ја имаат во „Гигантиум“ арената која од сите сали во кои ќе се играат натпреварите по групи е со најмал капацитет за посетители 4.600.