Со Буџетот нема никаков проблем, уверува министерката Димитриеска-Кочоска

Со Буџетот нема никаков проблем, а последното задолжување е во рамките на годишните планови, уверува министерката за финансии Гордана Димитриеска Кочоска. Вели повратот на ДДВ за фирми се одвива без застој, освен онаму каде што Управата за јавни приходи врши дополнителни проверки. Техничкиот проблем е во системот на УЈП, не во Министерството, тврди Кочоска.

Во Словачка, проблемите со повратот на ДДВ ги решиле со е фактура, нешто што и Македонија сега го воведува. Словачкиот министер за финансии, Ладислав Каменицки вели дека и Македонија и Словачка, како релативно мали земји, зависат од повеќе надворешни фактори, но она на што може да ни позавидат, како што рече, е фактот што економскиот раст кај нас е 3% од БДП, а кај низ изнесува 1%.

Теми на разговор на двајцата министри биле и продлабочување на регионалната соработка во развојот на пазарите на капитал, размена на искуства за зголемување на ефикасноста во наплатата на јавните приходи, како и унапредување на политиките во борбата против сивата економија и даночната евазија.

 

Марија Котовска