Ново рочиште за пожарот во дискотеката „Пулс“

Во судницата во затворот во Идризово, ново рочиште за пожарот во дискотеката „Пулс“. Дел од обвинетите и нивните адвокати треба да ги дадат воведните зборови. На последното судење, сите рекоа дека не се виновни. Екс градоначалниците и градежните инспектори ги отфрлија обвиненијата против нив. Тврдат дека за трагедијата се товарат невини луѓе.

За пожарот во „Пулс“ се обвинети 35 физички и три правни лица. Кобната вечер на 16-ти март, настрадаа 63 лица, а над 200-те беа повредени.