Јакимовски со рекорд во Еврокупот

Кошаркарот на Тренто, Андреј Јакимовски, одигра извонреден натпревар вчеравечер на гостувањето против Бург во Б-групата од Еврокупот.

Италијанскиот тим победи со 91:73, а Македонецот стигна до 43 индексни поени, што е рекорд оваа сезона во Еврокупот.

Јакимовски средбата ја заврши со 30 поени, три асистенции и седум скока.

Воедно, ова е рекорд и во тимот на Тренто во натпревар од Еврокупот.