Масовни протести на улиците на Софија и десетици други градови – се бара оставка на владата

Нови масовни протести низ Бугарија. Илјадници луѓе во Софија и десетици други градови низ земјата бараат оставка од Владата, обвинувајќи ја за корупција. На протестите предизвикани по минатонеделните буџетски планови за повисоки даноци, зголемени придонеси за социјално осигурување и зголемување на трошоците, се приклучија и студентите.

„Не протестираме само против буџетот – бараме оставка од владата поради нејзината неодговорност и срамот што ѝ го донесе на Бугарија“, изјави Георг Петров, студент.

„Се надеваме дека нашите акции ќе доведат до вистински промени. Нема да застанеме тука, од нас зависи дали ќе го демонтираме корумпираниот модел изграден од Борисов и Пеевски“, изјави Александар Танев, лидер на студентското здружение „Студенти против мафијата“.

Најновите демонстрации доаѓаат наспроти денешното гласање доверба на кабинетот на Жељазников-шесто по преземањето на функцијата на 15-ти јануари.