50 илегални мигранти од Сирија, Авганистан и Пакистан откриени во воз во Гевгелија

Полицијата од граничниот премин „Богородица“ во соработка со цариниците и работници од Македонски Железници, вчера вечер на железничката станица во Гевгелија во товарен воз кој сообраќал на релација од Солун за Косово откри 50 странски државјани од Авганистан, Сирија и Пакистан, соопшти МВР.

Лицата се обидувале нелегално да ја преминат границата од Грција во Македонија.

По преземени мерки мигрантите се предадени на граничниот премин Идомени, Грција, а исто така предадени се и три лица - државјани на Сирија, кои  се откриени  од страна на полицајците во Валандово, кои исто така се обиделе нелегално да ја преминат границата во Македонија.