Смртоносни поплави во Газа, помошта блокирана

Дождот ги натопи шаторските кампови во Газа додека зимската бура се спушти на територијата, покажувајќи како двата месеци прекин на огнот не успеаја да се справат со растечката хуманитарна криза таму.

Хуманитарните групи велат дека не стигнува доволно помош во Газа. Населението од околу два милиони е речиси целосно раселено, а повеќето луѓе живеат во огромни шаторски кампови без соодветна инфраструктура со септички јами ископани во близина на шаторите како тоалети.

Агенцијата на ОН за палестински бегалци во соопштението наведува дека ваквите пренаселени средини го зголемуваат „ризикот од болести и инфекции“.