Во Бразил протести против намалувањето на затворските казни

Илјадници демонстранти излегоа на улиците во Сао Паоло како дел од протестите против законот со кој се намалуваат затворските казни за поранешниот претседател Жаир Болсонаро и другите осудени за обид за државен удар. Демонстрациите беа предводени од левичарски политичари, синдикати и социјални движења.

Долниот дом на Конгресот на Бразил во среда одобри закон со кој ќе ги скрати затворските казни за сите осудени во врска со немирите на 8 јануари 2023 година, кога поддржувачите на Болсонаро ги нападнаа владините згради во главниот град Бразилија.