Македонија со најевтини прехранбени производи споредбено со Европа

Во иста кошничка со храна, Швајцарците плаќаат 60 проценти повеќе од европскиот просек. Цените во Македонија се најевтини, за 27 пониски, земјава е со најевтини прехранбени производи, покажаваат најновите податоци на Евростат.

Храната е најголем товар за домашниот буџет и во Исланд и Норвешка. Но и жителите на Луксенбург мораат длабоко да брцнат во своите џебови. Кошничката во европски рамки е со просек од 11,9% од вкупната потрошувачка во Европската унија.

Ниските цени се типични за Западен Балкан. Според експертите клучни причини за големите разлики се дисбалансот во приходите и платите, трошоците за работна сила во земјоделството производството и продажбата, што се одразува на малопродажните цени.

Сепак ниските цени не значат и полесен живот, бидејќи во југоисточна Европа храната сочинува 20 проценти од расходите во домаќинствата, а во богатите земји само 12 насто, покажуваат податоците на Евростат.