Пониски цени на горивата од полноќ

Регулаторната комисија за енергетика (РКЕ) донесе одлука за намалување на малопродажните цени на нафтените деривати во просек за 2,09 отсто. Бензините ЕУРОСУПЕР БС-95 и БС-98, како и дизелот, поевтинуваат за два денари по литар, додека екстра лесното масло за домаќинство поевтинува за еден денар.

Од полноќ, ЕУРОСУПЕР БС-95 ќе се продава по 73 денари, БС-98 по 75 денари, дизелот по 66,5 денари за литар, а цената на мазутот М-1 НС изнесува 32,635 денари за килограм.