Забрзано се гради инфраструктурата
Од градежната комора сметаат дека парите што ќе ги добие инфраструктурата се значајни за брза изградба на автопатите. Се очекува од следниот месец да почнат градежните активности на автопатот Кичево Охрид...
Забрзано се гради. На терен интензивно се работи на инфраструктурните проекти. Градежниците очекуваат изградбата на коридорот 10 и изградбата на железничка инфраструктура, позитивно да се влијаат на македонската економија. Од градежната комора сметаат дека парите што ќе ги добие инфраструктурата се значајни за брза изградба на автопатите. Се очекува од следниот месец да почнат градежните активности на автопатот Кичево Охрид.
„Интензивно се работи на инфраструктурата. На делницата Кичево - Охрид веќе се пробива трасата се градат логистички центри. Се работи на испитување на теренот и проектната документација. Почетокот на октомври се очекува ангажирање на механизацијата“, вели Сеад Кочан од градежната комора при ССК.
Прекројувањето на државната каса треба да даде позитивни резултати на долг рок. Според вицепремиерот Ставрески мини ребалансот на буџетот покрај реализацијата на инфраструктурните проекти, ќе ја одржи и фискалната дисциплина.
„Внимание заслужува реализиацијата на коридорот 10 којашто се одвива и побрзо од планираното. Ивестициите за реконструкција на железничката инфраструктура, и на коридорот 10 и на коридорот 8. Подобрување на инфраструктурата во образованието преку реновирање на училишта и изградба на нови училишта. Во здравството преку реновирање на јавните здравствени установи, комуналната инфраструктура“, рече Зоран Ставрески, вицепремиер и министер за финансии.
Досега капиталните расходи се реализирани во износ од 9,639 милијарди денари.
Дијана Ценевска