Планината е лек за нечистиот воздух

Скопје се гуши во смог и магла. Секое вдишување е ризично за здравјето. Лекот е планината, а каде ако не на Водно.

Редици луѓе чекаа да се качат на жичницата. Дури и најмалите знаат зошто.

Пред заминување некое топло костенче добро ќе дојде.

И пред самиот врв веќе сонцето почнува да ве гали. А белите дробови ви велат благодарам на секој здив, друг свет, млади, деца, возрасни секој си има свое уживање.

Дури и странските туристи си ја замениле програмата за оваа убавина.

Спасот е во околните планини, но надежта за чист воздух останува.

Маглата го поремети и авиосообраќајот на скопскиот аеродром. Има откажани или одложени летови.

Фиљана Кока