Бензините поевтинуваат за еден денар, дизелот со непроменета цена
Цената на Еуросупер БС-95 се намалува за 1 денар и ќе изнесува 70 денари за литар, а Еуросупер БС-98 исто така поевтинува за 1 денар и ќе се продава по цена од 72 денари за литар.
Малопродажните цени на бензините од ноќеска се намалуваат, додека цената на дизел горивото останува непроменета, соопшти Регулаторната комисија за енергетика.
Цената на Еуросупер БС-95 се намалува за 1 денар и ќе изнесува 70 денари за литар, а Еуросупер БС-98 исто така поевтинува за 1 денар и ќе се продава по цена од 72 денари за литар.
Малопродажната цена на Еуродизел (Д-Е V) не се менува и останува 64,50 денари за литар.
Екстра лесното масло за домаќинство (ЕЛ-1) поевтинува за 2 денари и ќе чини 63,50 денари за литар, додека цената на мазутот М-1 НС се намалува за 0,028 денари по килограм и ќе изнесува 32,607 денари за килограм.
Новите цени се во согласност со одлуката за утврдување на највисоки малопродажни цени на нафтените деривати и горива за транспорт.