Основните нацрт-документи на мировниот план се подготвени, потврди Зеленски
Планот од 20 точки предвидува безбедносни гаранции меѓу Украина, европските партнери и САД, вклучувајќи билатерален документ кој ќе го разгледа Конгресот на САД...
Украинскиот претседател Зеленски потврди дека основните нацрт-документи на мировниот план се подготвени. Планот од 20 точки предвидува безбедносни гаранции меѓу Украина, европските партнери и САД, вклучувајќи билатерален документ кој ќе го разгледа Конгресот на САД. Зеленски е оптимист дека преговорите се блиску до резултат, но нагласи дека Русија мора јасно да покаже подготвеност за крај на агресијата.
„Направена е голема работа пред сè на документите што се однесуваат на безбедносните гаранции, како и на 20 точки од главниот документ – основната рамка што ја дискутираа украинската и американската делегација. Важно е американската страна да може да добие одговор и од Русија – вистинска подготвеност на оваа држава да се фокусира на нешто друго освен на агресија“, изјави Володимир Зеленски, претседател на Украина.
Разговорите одат добро-потврди и американскиот претседател Трамп. Во истовреме, Москва испрати сигнали дека е подготвена преку правен договор да потврди дека нема намера да ја нападне ниту Европската Унија, ниту НАТО. На фронтот, нови руски напади врз Киев.