УХМР: Од утре дожд и снег

Под влијание на влажен бран во следните два дена ќе има повремени локални врнежи од дожд, кои наместа ќе бидат пообилни (над 25 l/m2 за 24 часа). На планините врнежите ќе бидат од снег и ќе се формира снежна покривка до 15 cm.

Поради спуштање на постуден воздух од север, во четврток врнежите од дожд ќе преминуваат во снег и на некои од повисоките места. Од петок ќе има стабилизирање на времето, прогнозираат од УХМР.

Во Скопје, денес кон крајот на денот и во следните два дена ќе има врнежи од дожд, кои повремено ќе бидат пообилни.