Голем интерес за вработување во МВР

На последниот конкурс во Министерството за внатрешни работи за 50 работни места, конкурираат 1.914 лица, или по околу 40-тина се заинтересирани за едно работно место.

Во Министерството велат дека ваквиот интерес е резултат на добрата репутација на полицијата.

„Во законски предвидениот термин досега вкупно аплицирале 1.914 лица или во просек по 40-тина заинтересирани за едно место. Бројот на кандидати не е конечен заради можноста заинтересираните и по пошта да ги испраќаат своите документи во предвидениот рок, соопшти помошник министерот за односи со јавност на МВР, Иво Котевски.