Осминафинален ден без изненадување!

Откако во групите некои бираа противници, во нокаут фазата на Светското првенство во кошарка во Шпанија, веќе нема калкурирање.

Но, немаше ниту неочекуван расплет во осминафинални натпревари. Американците не форсираа, а беа убедливи против Мексико со 86:63 и во четвртфиналето ќе играат против Словенија која со 71:61 славеше против Доминаканската Република.

Драматичната пресметка меѓу Франција и Хрватска и припадна на европскиот првак. Триколорите беа подобри со 69:64 благодарение на третиот период којшто го добија со 11 разлика. За продолжување на одбраната на трофејот, Французите ќе играат со домаќинот и еден од двата главни фаворита за златото Шпанија, којашто рутински ја одработи обврската против Сенегал славејќи со 89:56.

Во утрешните четвртфиналиња ќе играат Нов Зеланд - Литванија, Србија - Грција, Турција - Австралија и Бразил - Аргентина.