Нов обид за нова локација за нов Клинички центар

Градската општа болница „8-ми Септември“ да се претвори во нов Клинички центар е еден од предлозите за конечно решение за комплексот „Мајка Тереза“ – вели министерот Алиу. Според него, постапката не е едноставна, па се размислува и за секундарното здравство во градската болница и услугите што ги нуди. Експертите работат на анализа на финансиска и временска рамка па во првиот квартал од 2026-та ќе биде позната точната локација за изградба на новиот Клинички центар кој се најавува веќе 15-тина години.

Поради административен молк, две години Градски паркинг стопанисувал со паркингот на Клинички центар. По состанокот со новиот директор, министерот Алиу открива дека ја утврдиле динамиката и до крајот на јуни се очекува да профункционира новиот паркинг на Клинички со дигитален систем и зголемен капацитет.

Стратегија за дигитално здравство, реконструкција на Карил по 40 години, на 10 операциони сали, на Токсикологија, Гинекологија делот за ИН ВИТРО, обновување на компресорски станици, Центар за цистична фиброза, реновирање и гасификација на Геријатрија и психијатриската болници во Бардовци и во Демир Хисар, регистар за здравствени работници, лабораториски стандарди, онлајн алатка за закажување состаноци на граѓаните со кабинетот на министерот се дел од проектите се во завршна фаза или се планираат за следната година кога приоритети се инфраструктурата, дигитализацијата, транспарентноста и поврзаноста на здравствените институции.

Александра Велинова