„УСЈЕ“ не загадува над дозволеното

Цементарница УСЈЕ не е главниот фактор за загаденоста на воздухот во Скопје. Директорката на Државниот инспекторат за животна средина, Ивана Гиновска, вели-УСЈЕ работи во рамки на утврдените граници.

Во 2025-та година биле извршени шест надзори, од кои два редовни и четири вонредни инспекциски надзори од различни државни инспектори. Последните контроли биле извршени пред месец и половина и притоа, не биле утврдени неправилности во работата на овој правен субјект.

За иницијативата за дислоцирање на Цементарница УСЈЕ, портпаролката на Владата, Митева објасни дека се земени предвид заклучоците на советниците на Град Скопје, но за таква одлука потребно е да постојат три правосилни судски пресуди дека правниот субјект го загадува воздухот. А од екологија велат, Цементарница УСЈЕ поседува активна А интегрирана дозвола.

Според регистарот што го води Управата за животна средина, околу 120 правни субјекти се со активна А интегрирани дозвола, на територија на Град Скопје се околу 40.

Во 2025-та се реализирани 1.700 инспекциски контроли – над 800 редовни, 500 вонредни и околу 300 контролни инспекциски надзори. Утврдени се 398 неправилности и издадени се исто толку решенија во инспекциската постапка. Покренати се над 30 прекршочни и четири кривични постапки.

Марина Стојанова-Тонева