Исчезнат планинар на Пелистер, во тек е акција за пронаоѓање

Во тек е акција за пронаоѓање исчезнат планинар на Пелистер, во близина на локацијата позната како „Антена“, информира ЦУК.

Лицето телефонски било достапно околу 10 минути, по што сигналот на мобилниот телефон бил изгубен.

Потрагата првично била извршена со ратрак, но без успех, па други екипи се испратени на терен. Проблем е и густата магла, како и неточните координати кои првично биле доставени.