Најавени четири нови странски инвестиции, две ќе ги прошируваат капацитетите

Зоната Бунарџик 2 е дестинација на која германска компанија ќе гради фабрика за електрични уреди и ќе креира најмалку 500 работни места, во добар дел инженери и стручно образувани кадри. Се зголемува  и бројот на американски инвестиции во земјава. Во интервјуто за „Република“ премиерот Никола Груевски најавува нов влез во автомобилскиот сектор.

„Гло­бал­на кор­по­ра­ци­ја од САД од авто­мо­бил­ска­та ин­ду­стри­ја, ко­ја има око­лу 3.000 вра­бо­те­ни, донела од­лу­ка за ин­ве­сти­ра­ње во ТИРЗ Скоп­је 1, и ве­ќе ре­зер­ви­ра­ла   пар­це­ли со по­вр­ши­на од око­лу пет хе­кта­ри. Вкуп­на­та ин­ве­сти­ци­ја ќе из­не­су­ва 14,7 ми­ли­о­ни евра.Тие пла­ни­ра­ат да отво­рат вкуп­но 417 но­ви ра­бот­ни ме­ста до крај на 2016 го­ди­на“, вели Груевски во интервјуто

Зајакнува и  прехранбениот сектор. Еден од поголемите турски дистрибутери за храна решил да инвестира и да гради производствени погони во Македонија. Бара локација и во септември ќе учествуваат на јавна аукција за парцела од 20 илјади квадрати. Се поатрактивен за американските компании е  и аутсорсинг секторот во зсемјава.

Глобална компанија со обрт од милијарда долари  најавува креирање до илјада работни места,а за почеток ќе отвори 300 за поддршка на клиенти од западна европа. Ќе бара лица со завршен факултет и  познавање странски јазици и технолошки вештини. Постојните инвеститори се магнет за привлекување  нови компании  и се најдобра препорака за инвестирање во земјава, вели Груевски за „Република“.

„Ме­на­џе­рот на ед­на бел­ги­ска ком­па­ни­ја, ко­ја е во де­лов­ни од­но­си со ком­па­ни­ја што ве­ќе има фа­бри­ка во Ма­ке­до­ни­ја од автомобилскиот сектор планира закуп на производствена хала со површина од 1.500 квадратни метри и стотина вработувања“, најави Груевски.

Странците се заинтересирани да вложуваат и во туризмот и во прилепско мариовскиот регион. Американско европска компанија решила да инвестира и да отвори илјада работни позиции, но почетокот зависи од спроведувањето на некои европски регулативи, најавува премиерот Груевски во подолгото интервју за неделникот „Република“.

Свето Николовски