Мицкоски на пуштање на градинка во Општина Гевгелија

Денеска претседателот на Владата на Република Северна Македонија Христијан Мицкоски ќе присуствува на пуштање во употреба на новата детска градинка „Сончогледи“ чија изградба чинеше 56 милиони денари, во Општина Гевгелија.

Потоа премиерот Мицкоски ќе изврши увид во градежните работи на Старата градска чаршија која е инвестиција од над 40 милиони денари.

Како што најавија од владината прес-служба, премиерот Мицкоски ќе изврши увид и во градежни работи за изградба на нов парк со детско катче со површина од 3.150 м², каде што по завршување на активностите предвидено е да даде изјава за медиуми.