Ако ЕУ воведе нови санкции, Москва се закани дека ќе го затвори небото

Проруските бунтовници ослободија илјада и 200 затвореници, како дел од примирјето, соопшти украинскиот претседател Порошенко, кој е во ненадејна посета на Мариупол. На политички план, Брисел продолжува со новите санкции против Русија, во зависност од прекинот на огнот.

Пред ембарго се водечките руски нафтопроизводители Росњефт, Трансњефт И Гаспромњефт, но не и државната Гаспром, што значи дека воопшто не е погоден рускиот нафтен сектор.

Ако санкциите сепак стапат во сила, Москва се закани дека ќе го затвори небото и ќе го доведе до банкрот секторот на авиотранспортот.