Сиљановска – Давкова до Собранието достави предлози за членови во Судскиот совет

Претседателката Гордана Сиљановска – Давкова до Собранието достави предлози за свои членови во Судскиот совет. Како што информираат од Кабинетот на претседателката доставени се два предлога, но не соопштуваат повеќе информации.

Ве информираме дека по истекот на vacatio legis и стапувањето во сила на новиот Закон за Судскиот совет, претседателката Гордана Сиљановска-Давкова достави предлог за кандидати за членови на Судскиот совет, велат од Кабинетот.

Претседателката претходно, во новогодишното интервју на МТВ рече дека ќе номинира две жени – реформаторки од кои едната е професорка, а втората адвокатка и уживаат голем углед во општеството.