„Гришко“ отвора втора фабрика во Македонија

Руската компанија за производство на балетски обувки и опрема „Гришко“, која инвестираше во Демир Хисар, ќе отвори втора фабрика во Македонија.

Првата фабрика која вработува 80 лица, „Гришко“ ја отвори во март минатата година. Фабриката е лоцирана во демирхисарското село Слепче.

Отворањето на новата фабрика е реализација на втората фаза од инвестицијата во Македонија која ќе вработува дополнителни 200 лица.