Македонското знаме се развиори на Вол Стрит во чест на Денот на независноста

Во чест на Денот на независноста, македонското државно знаме беше подигнато на Вол Стрит.

Церемонијата се одржа на една од најпосетените и најатрактивни локации во Њујорк, споменикот на бикот во близина на берзата на Вол Стрит, пред поголем број Македонци, претставници на бизнис заедницата и општествениот живот во Њујорк, како и многубројни туристи од целиот свет.

Знамето свечено го подигнаа генералниот конзул на Република Македонија во Њујорк, Гоце Карајанов и амбасадорот на Република Македонија  во Обединетите нации,  Васко Андоновски.