До 13 часот 8,9% излезност, најмногу гласачи излегле во Маврово-Ростуше

До 13 часот на повторните локални избори гласале 11 217 лица или 8,90 отсто, соопшти Државната изборна комисија (ДИК), повикувајќи се на податоците пристигнати од 209 избирачки места.

Гласањето на сите избирачки места се одвива непречено, освен на избирачкото место 0782 во Ќафа кое сè уште не е отворено.

„Во општина Врапчиште гласале 2 613 лица или 9,58 отсто, во општина Гостивар 8,74 проценти или 7 043 гласач, во Маврово – Ростуше 10,03 отсто или 1 061 лице, додека во општина Центар Жупа 6,61 проценти или гласале 500 избирачи“, соопшти портпаролката на ДИК, Радица Тодоровска Алексовска.