Големи поплави во Аризона и Невада

Големи поплави ги зафатија американските сојузни држави Аризона и Невада. Во Феникс е прогласена вонредна состојба, властите ги предупредуваат граѓаните на внимание.

Во Невада, надојдената вода целосно одвлече дел од автопатот северно од Лас Вегас, а само неколку сантиметри до прелевање е локалната брана.

„Феникс и целиот регион доживеаја дождови какви што не се видени речиси 100 години. Поплавени се улици, автопати, паркови, канали и домови“, изјави Грег Стентон, градоначалник на Феникс.