МВР распиша меѓународна потерница по 18-годишникот кој усмрти пешак во Капиштец

Министерството за внатрешни работи распиша меѓународна потерница по Саитов Саит (18) од Скопје од татко Берти и мајка Ганимете од Скопје.

Лицето е барано по централна и меѓународна потерница по барање на ОЈО Скопје за кривично дело по член 300 од Кривичниот законик.

Несреќата се случи на 9-ти јануари на ул. „Народен фронт“ во Скопје, кога 18-годишникот со патничко возило „фолксваген пасат“ со скопски регистарски ознаки удри во Љ.Ј. (79) од Скопје, која почина од здобиените повреди. Возачот со возилото избега од местото на настанот.