14 нови случаи на заразени од жолтица во Скопје

14 новозаболени пацинети со жолтица има во Скопје во текот на продолжениот викенд. Пацинетите се на возраст од 3 до 60 години. Најголем дел од нив- 8, се од Шуто Оризари.

Од новозаболените, 9 се деца на училишна возраст. Тројца од пациентите се заразиле од заболено лица, додека останатите се епидемиолошки неповрзани.

Во Скопје досега вкупно 121 лице е заразено со жолтица.

Надлежните велат дека во училиштата се почитуваат превентивните мерки.

Во Шуто Оризари направена е дезинфекција во куќите од каде потекнуваат заболените и во оваа општина ќе има почести контроли.

Во Штип нема нови случаи на заразени со жолтица.

Наташа Јанчиќ