Лишено од слобода лице од струмичко барано за доиздржување затворска казна

Вчера во село Старо Балдовци, струмичко, полициски службеници од СВР Струмица го лишија од слобода Џ.А.(25) од село Нова Маала, струмичко.

Тој бил баран по потерница врз основа на судска наредба за доиздржување затворска казна во траење од 10 месеци за сторено кривично дело „неовластено производство и пуштање во промет на наркотични дроги, психотропни супстанци и прекурзори“ по член 215 од Кривичниот законик.

Лицето е спроведено во Казнено – поправната установа Затвор Струмица за доиздржување на казната, соопштија од МВР.