Трамп не очекува премногу отпор за неговиот план за Гренланд

Шефот на Белата Куќа вели дека не очекува премногу отпор кон неговиот план за Гренланд.

„Не мислам дека ќе пружат премногу отпор. Мораме да го имаме. Тие не можат да го заштитат. Данска, тие се прекрасни луѓе, и знам дека лидерите се многу добри луѓе, но тие дури и не одат таму … и знаете, бидејќи бродот отишол таму пред 500 години, а потоа заминал, тоа не ви дава право на сопственост“, изјави американскиот претседател Трамп.

Ситуацијата со Гренланд ескалираше поради насилните изјави на Трамп, вели данскиот министер за надворешни работи.

„Она за што сме сигурни е дека ако не дадеме силен одговор, тогаш испраќаме сигнал на слабост. Сега треба да седнеме и да разгледаме како можеме да го решиме ова на начин што ги исполнува разумните американски желби, бидејќи има нова ситуација на Арктикот и веројатно само ќе се влоши ако гледаме напред – без да ги преминеме нашите црвени линии. Навистина важно е сите ние кои веруваме во меѓународното право да проговориме, за да му покажеме на Трамп дека не може да оди понатаму“, рече Ларс Локе Расмусен, министер за надворешни работи на Данска.

Трамп викендов рече дека ќе воведе данок од 10% за увоз почнувајќи од февруари на стоки од осум европски земји, вклучувајќи ја и Велика Британија, поради нивното противење на американската контрола врз Гренланд.