ЕУ ги одложи санкциите кон Русија на неопределено!

Европа го одложи новиот пакет санкциите против Русија на неопределно време со цел како што велат европските преставници да се даде шанса на сеуште кревкото примирје меѓу Киев и Москва. 

„Како што вчера изјави претседателот на Европскиот Совет, Херман Ван Ромпуј, санкциите беа усвоени според пропишаната процедура, и тој беше многу јасен дека стапувањето на сила како и нивното објавување во официјалниот весник ќе биде во следните неколку дена“, вели Пиа Хансен, портпарол во Европската комисија.

Инаку санкциите кои длабоко задираа во економскиот и енергетскиот сектор требаа да стапат на сила денес на пладне. Исклучок секако беше Гаспром како најголем произведител на гас и снабдувач на Европа со овој енергенс.

За одложување на санкциите усвоени на Советот на ЕУ во петокот мината недела биле во прв ред Австрија, Шведска, Финска, Кипар и Словачка. Официјално не е прецизиран рокот за колку време ќе важи одолговлекувањето, но според дипломастски извори уште утре повторно ќе се разгедува развојот на состојбата на терен.

Примирјето е дел од мировниот план на Обединетите Нации за спречување на 5 месечниот конфликт за кои се проценува дека загинаа 3000 луге од двете страни

Марина Тонева, постојан дописник од Брисел за МРТ