Македонија го заврши настапот на ЕП, Португалија ја шокираше Данска
Нашите ракометари се надеваа на убедлива победа на Данска, но таквото сценарио не се оствари.
Македонската ракометна репрезентација го заврши настапот на Европското првенство откако Португалија приреди големо изненадување и го совлада домаќинот Данска со 31:29 (12:11) во последниот натпревар од групата Б, одигран синоќа во Хернинг.
Со овој резултат, Португалија и Данска обезбедија пласман во главната фаза, додека Македонија, и покрај победата над Романија од 24:23, како третопласирана ја заврши континенталната смотра.
Нашите ракометари се надеваа на убедлива победа на Данска, но таквото сценарио не се оствари. Португалија од самиот почеток го контролираше натпреварот, поведе со 3:1 и до крајот на првото полувреме ја ограничи Данска на само 11 постигнати голови.