Сите државни патишта се проодни, се препорачува внимателно возење
Екипите на ЈП „Македонија пат“ се целосно подготвени, со механизација и работна сила на терен, и континуирано вршат расчистување на снегот...
Државните патишта низ Македонија се проодни и безбедни за сообраќај, информираат надлежните. Сепак, поради врнежите од снег, се препорачува внимателно и совесно управување со возилата.
Екипите на ЈП „Македонија пат“ се целосно подготвени, со механизација и работна сила на терен, и континуирано вршат расчистување на снегот. Активностите се координирани со ЈП за државни патишта и Министерството за транспорт за обезбедување непречено и безбедно одвивање на сообраќајот.
Возачите се советуваат да користат зимска опрема, да ја почитуваат поставената сообраќајна сигнализација и да ја прилагодат брзината според условите на патот. Исто така, се препорачува редовно информирање преку сите информативни центри за актуелните услови на државните патишта.
Надлежните најавуваат дека координираните активности ќе продолжат и во наредниот период, со цел безбедно движење на сите учесници во сообраќајот.