Загинати и исчезнати по потонување на ферибот на Филипини

Најмалку 15 лица загинаа, а 28 се водат за исчезнати откако ферибот со повеќе од 350 патници и членови на екипажот потона во водите крај јужниот брег на Филипините.

Бродот, кој во исто време бил и товарен и патнички, се движел од јужното копно на земјата, Минданао, кон островот Џоло, подалеку на југозапад.

Властите ја истражуваат причината за несреќата.

Филипините, земја со над 7.000 острови, имаат долга историја на поморски катастрофи во кои се вклучени меѓуостровски фериботи.