Зеленски: Потребни се резултати од дипломатијата
Датумот на завршување на војната ќе биде дефиниран преку договор за безбедносни гаранции што треба да биде обезбеден од страна на САД, потенцира Зеленски.
Украинскиот претседател вели дека Украина, Русија и САД успеале да разговараат за низа прашања, првенствено воени, за време на неодамнешните разговори во Абу Даби. Датумот на завршување на војната ќе биде дефиниран преку договор за безбедносни гаранции што треба да биде обезбеден од страна на САД, потенцира Зеленски.
„Потребни се вистински резултати од дипломатијата за да нема впечаток дека Русите го користат и процесот на преговори за многу цинична и брутална цел – потиснување на нови мерки за притисок врз Русија што всушност би можеле да функционираат“, изјави Володимир Зеленски, претседател на Украина.
Американскиот министер за финансии вели дека САД направиле поголеми жртви од Европа во решавањето на прашањето за руската нафта. Бесент, исто така, рече дека Европејците ја финансираат војната против себе.
„Руската нафта оди во Индија, рафинираните производи излегуваат, а Европејците го купуваат рафинираниот производ. Тие ја финансираат војната против себе. Значи, со водство на претседателот Трамп, ние на крајот ќе ја завршиме оваа војна меѓу Украина и Русија“, рече Скот Бесент, секретар на Министерството за финансии на САД.