Сообраќајот се одвива непречено по влажни коловози, слаб снег на Попова Шапка и Ѓавато

Сообраќајот на државните патишта се одвива непречено, по влажни коловози. Снег со слаб интензитет паѓа на П. Шапка и Ѓавато кој во моментов не се задржува на коловозот.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за патнички возила и автобуси за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Поради протест блокирани се повеќе гранични премини за влез и излез од државата. Повеќе информации може да се најдат на следното известување од Макам-Транс.