Трамп ја предупреди Велика Британија да не влегува во бизнис со Кина

За Велика Британија е многу опасно да соработува со Кина, вели американскиот претседател, додека британскиот премиер го бранеше зближувањето со Пекинг. Стармер повтори дека разговорите им овозможиле да остварат вистински напредок.

Коментарите на Трамп доаѓаат додека Стармер ја завршува својата посета на Кина. Тој денеска ќе се сретне со бизнисмени во Пекинг, продолжувајќи го притисокот за зајакнување на економските врски.

„Верувам дека колку повеќе се ангажираме, колку повеќе разменуваме, толку повеќе го користиме отворањето на пристап до можности, бизнис, уметност и култура и многу други. Тоа е начинот на кој ја градиме меѓусебната доверба и почит што е многу важно“, изјави британскиот премиер, Кир Стармер.