Новоименуваните амбасадори во Казахстан и ОАЕ ги претставија своите приоритети

Македонија ја шири дипломатската мрежа. Отвораме две нови Амбасади во Астана - Казахстан и во Абу Даби – Обединети Арапски Емирати. Во Астана заминува Илија Псалтиров, а во Абу Даби Сашо Ташевски.

Новоименуваните Амасадори пред собраниската комисија за надворешна политика ги претставија платформите и приоритетите за своето работење. И двајцата акцентот ке го стават на економската дипломатија. Согласни се тоа што се први резидентни амбасадори е голема чест но е и  уште поголема обврска за нив, во најдобро светло да ја претстават Република Македонија во Казахстан односно Овединетите Арапски Емирати. Отворањето нови амбасади според Псалтиров и Ташевски е добра воља на политичкото водство во земјава за продлабочување на политичките и економските односи  со Астана и Абу Даби.

Лидија Чакар