Започнува „Летниот Давос“ - Создавање вредност преку иновации

Стотици бизнисмени и истражувачи, во кинескиот град Тијанџин од денеска до петок се среќаваат на годишниот Светски економски форум. Летниот Давос се одржува под мотото „Создавање вредност преку иновации“.

Главната порака од Самитот е дека светските економии, соочени со новата економска криза, мора да ја зголемат својата конкурентност преку дополнителни инфраструктурни реформи и продуктивни инвестиции како развој на човечкиот капитал. Идејата е дека во блиска иднина економиите веќе нема да се делат на „во развој“ или „развиени“, туку „богати или сиромашни со иновации“.